IrinaÇак кунсенче Чăваш Енре Правительство çуртĕнче Тĕп редактор кунĕ иртнĕ.

ЧР Цифра аталанăвĕн министерстви çак мероприятие медиаотрасль аталанăвĕн, кулленхи ы­­йту­с­­­­емпе вĕсене пурнăçламалли çул-йĕре палăртас тĕллев­п­е çулталăкне темиçе хутчен йĕркелет. Тĕлпулăва республикăри массăллă информаци хатĕрĕсен руководителĕсем, Чă­ваш Енĕн Регион управленийĕн центрĕн, Роскомнадзор представителĕсем хутшăннă.

Ларăва ЧР цифра аталанă­вĕн, информаци политикин тата массăллă коммуникацисен министрĕ К.Майнина уçнă. Министр хăйĕн сăмахĕнче паянхи кун çынсем информацие ытларах социаллă сетьсем урлă пĕл­нине палăртнă, çавна май журналистсен çак енĕпе ытларах аталанмаллине каланă. «Эсир пысăк калăпăшлă ĕç туса пыратăр, халăха информаципе тивĕçтерсе ра­йон, республика, çĕршыв шайĕнчи лару-тăрупа паллаштаратăр. Изданисем пичетлетĕр, теле- тата радиоканалсен, сайтсемпе социаллă сетьсен ĕçне тытса пыратăр. Пĕр харăсах темиçе тĕрлĕ ĕç пурнăçласа пыма çăмăл мар, апла пулин те эсир пултаратăр. Пысăк тав сире çакăншăн!» - тенĕ Кристина Майнина массăллă информаци хатĕрĕсен ĕçченĕсене.

Малалла министр журналистсене патшалăх наградисемпе чысланă. Наградăна тивĕçекенсен йышĕн­че чи малтан пирĕн ĕçтешĕмĕр, Вăрмар районĕн «Хĕрлĕ ялав» ха­çа­чĕн компьютер пайĕн редакторĕ Ирина Михайловна Артюкова пул­чĕ. Ăна çыхăнупа информаци тех­но­логийĕсен тата массăллă коммуникацисен аталанăвĕнчи тăрăшул­лă ĕçшĕн «Çыхăну мастерĕ» /«Мастер связи»/ звани парса чыс­ла­нă - «Мастер связи» медаль тата удостоверени панă. Çак наградăна вăл Раççей Федераци­йĕн Цифра аталанăвĕн, çыхăну тата массăллă коммуникацисен министрĕн М.Шадаевăн Хушăвĕпе ки­лĕшÿллĕн тивĕçнĕ. Ирина Михайловнăн «Хĕрлĕ ялав» хаçат редакцийĕнчи ĕç стажĕ 23 çула яхăн. Журналистсем çырнă материалсене, сăнÿкерчĕксене хаçат страници çине илемлĕ калăпласа лартасси, тепĕр майлă каласан верстка тумалли – унăн тĕп тивĕçĕ. Унсăр пуçне хаçат сайтне, социаллă сетьсене тытса пырассине те пурнăçласа пырать Ирина Михайловна. Кулленхи ĕçе вăл яваплăха туйса тăрăшуллă пурнăçлать. Çавăн пекех халь­хи вăхăтра вăл редакцин проф­союз комитечĕн ĕçне те ертсе пырать. Коллективра та ăна хисеплетпĕр, юрататпăр, çакăн пек пысăк награда илнĕ ятпа чун-чĕререн саламлатпăр!

Чăваш Енĕн Регион управлени­йĕн центрĕн социаллă сетьсенчи ĕçе ертсе пыракан специалисчĕ А.Кириллова соцмедиа сферинче информацие епле вырнаçтармалли пир­ки каласа панă. Вăл редакцисен официаллă страницисене тĕрĕс йĕркелемелли сĕнÿсем панă, информацие интереслĕрех илсе çитермелли пирки, подписчиксемпе çĕнĕ форматсемпе ĕçлемеллине ăнлантарнă. Телеграм-канала ăнăçлă ертсе пымалли çинчен «Советская Чувашия» хаçатăн тĕп редакторĕ В.Васильев каласа панă.

Тĕп редактор кунĕнче ытти пĕлтерĕшлĕ ыйтусене те сÿтсе явнă.

Э.МИХАЙЛОВА.

Добавить комментарий

Наши соцсети

Яндекс. Новости

Архив материалов

Март 2024
Пн Вт Ср Чт Пт Сб Вс
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Праздники

Последние комментарии

Яндекс.Метрика