Суд умне каварлашнă ушкăн — 11 çын — тăрĕ. Вĕсене уйрăмах пысăк виçепе наркотик сутма тăнăшăн айăплаççĕ. Республика прокуратури айăплав пĕтĕмлетĕвне çирĕплетнĕ ĕнтĕ, уголовлă ĕçе тишкерме Шупашкарти Ленин районĕн судне панă. Ушкăнри çынсем Уголовлă кодексăн наркотик суту-илĕвĕпе çыхăннă статйисемпе явап тытĕç.
Малтанхи следстви органĕсем уçăмлатнă тăрăх, 2020-2021 çулсенче çак ушкăн членĕсем республика территорийĕнче ятарласа хатĕрленĕ вăрттăн вырăнсене хурса наркотик сутнă. Клиентсемпе çыхăну тытма интернет сечĕпе усă курнă. Ушкăнра çирĕп иерархи пулнă, конспираци мелĕсемпе усă курнă. Кашни хăйĕн тивĕçне пурнăçланă: курьер, фасовщик, наркотик турттаракан... Çав вăхăтрах вĕсем пĕр-пĕрне палламан, хутшăнăва мессенджерсем урлă йĕркеленĕ. Следстви вăхăтĕнче право хуралĕн органĕсем çак ушкăнран сутма хатĕрленĕ 1,5 килограма яхăн синтетика наркотикĕ туртса илнĕ — «наркăмăша» сутлăха кăларма паман.
