Чăваш йăли-йĕркипе çурхи ака ĕçне вĕçлесен яланах халăх пуçтарăнса мĕнлерех ĕçленине пĕтĕмлетме пĕр çĕре пуçтарăннă. Кам ыттисенчен лайăхрах ĕçленĕ - ăна мухтаса хавхалантарнă, хаклă парнесем те парса чысланă.
Паян Вăрмар раойон центрĕнче - Акатуй - ĕçпе юрă тата спорт уявĕ. Ирхине ирех уяв иртекен вырăнта уява ирттерме пулăшакансем тĕрлĕ ĕçсем пурнăçлаççĕ, хăнасем килнĕ çĕре хатĕрленеççĕ. Стадион йĕри тавара суту-илÿ киоскĕсем вырнаçтарса лартнă: райпо, общепит, çăкăр завочĕ хăйсен продукцийĕсене сентресем çине вырнаçтарса хунă. Уйрăм çын предпринимательсем шашлăк пĕçерме тытăннă.
Хресчен /фермер/ хуçалăхĕсем хăйсем туяннă çĕнĕ техникисене паллаштараççĕ Спорт çурчĕ умĕнче - ялхуçалăх техникисен выставкине те йĕркеленĕ, кунта та халăх /ытларах арçынсем/ хĕвĕшме пуçланă. «Иванова О.А.» КФХ, тата «Свебрата» «Водоканал» тулли мар яваплă обществăсем.
А.НИКОЛАЕВА.
