Ачасене çул-йĕр хăрушсăрлăхĕн правилисене мĕн пĕчĕкрен вĕрентни вĕсен пурнăçне тата сывлăхне упраса хăварма пулăшать. Ку саманта Вăрмар поселокĕнчи 2 -мĕш номерлĕ «Колосок» ача-пăча садĕнче те пысăк тимлĕх уйăраççĕ. Ахальтен мар «Колосок» рес­публикăри ача-пăча сачĕсем хушшинче иртнĕ «Çул-йĕр çинче курăн!» конкурсра 2-мĕш вырăна тухнă. Конкурс октябрĕн 1-23-мĕшĕсенче иртнĕ тата пурне те çул çинче, уйрăмах тĕттĕм вăхăтра, ыттисемшĕн курăнмаллине, паллă пулмаллине аса илтернĕ. Ачасене çул çинче хÿтĕлеме пулăшакан ансат хатĕр вара — çутатакан элементсем. Вĕсемпе пурин те усă курмалла.

Добавить комментарий