Хальхи вăхăтра ятарлă çар операцийĕ пынă май Вăрмарти Культура çурчĕн ĕçченĕсем «СВО пирки пĕлмелли пĕлтерĕшлĕ самантсем» темăпа информаци сехечĕ ирттерчĕç.
Культура çурчĕн специалисчĕсем салтаксен хăюлăхĕ тата вĕсен çарти паттăр ĕçĕсем çинчен каласа пачĕç, вĕсем хăйсен тивĕçĕсене Тăван çĕршыва юратса тата тÿрĕ кăмăлпа пурнăçланине палăртрĕç.
Кашни саманан хăйĕн паттăрĕсем — Тăван çĕршыва харсăррăн хÿтĕленĕ, çĕршыв историне пысăк тÿпе хывнă, ыттисене пулăшма яланах хатĕр тăнă çынсем. Вĕсем хăйсене шеллемесĕр çĕршыв ырлăхĕшĕн тăрăшнă, çавăнпа вĕсен хисеплĕ ячĕсем пирĕншĕн пуриншĕн те ориентир пулса тăнă.
Ирина ТРИФОНОВА, Вăрмарти культура çурчĕн ĕçченĕ
