Чӑваш Республикин хаклӑ ҫыннисем!
Сире ҫывхарса килекен Ҫӗнӗ 2023 ҫул ячӗпе саламлатӑп!
Ҫӗнӗ ҫул чӑннипех те ҫемье уявӗ.
Вӑхӑтпа технологисем улшӑнма пултараҫҫӗ, анчах пӗр япала ҫаплипех юлать: ку вӑл – ҫывӑх ҫынсемпе пӗрле пулма, тус-юлташпа курса калаҫма тата ҫавна пула хӑвна телейлӗ те савӑнӑҫлӑ туйма май пулни.
Ҫак Ҫӗнӗ ҫулпа Раштав кунӗсенче аҫӑр-аннӗре, мӑшӑрӑрпа ачӑрсене тата хӑвӑршӑн хаклӑ ытти ҫынна чунтан юратнине уҫҫӑн пӗлтерме, пӗр-пӗрне чи-чи лайӑххине сунма тата ҫутӑран та ҫутӑ ӗмӗтӗре палӑртса хума чӗнсе калатӑп.
Шӑпах ҫакӑнта-ҫке уяв асамлӑхӗ!
Пирӗн ҫӗршывшӑн кӑна мар, пӗтӗм тӗнчешӗн хӑрушӑ чӗ-нӳсемпе тата чӑннипех те истори пӗлтерӗшлӗ пулӑмсемпе пуян ҫулталӑк хыҫа юлать.
Эпир унччен пирӗн шутланнӑ Донецкпа Луганск Халӑх рес-публикисене, Запорожье тата Херсон облаҫӗсене хамӑрӑн ҫемьене ӑшшӑн йышӑнтӑмӑр. Унти ҫынсем хӑйсен шӑпине уҫҫӑн палӑртрӗҫ.
Ҫав вӑхӑтрах, ытти регионсем пекех, Чӑваш Республики те хаяр тӑшмана – Украинӑри саккунсӑр правительствӑна тата пӗр ушкӑна пӗрлешнӗ Хӗвел анӑҫ эшкерне хирӗҫ тӑчӗ.
Эпир урӑхла тума пултараймарӑмӑр. Раҫҫей Президенчӗ Владимир Владимирович Путин тӗрӗс йышӑну турӗ – капланса килекен неонацизмпа фашизма хирӗҫ тытӑҫу пуҫарма палӑрт-рӗ.
Ятарлӑ ҫар операцийӗ пыракан тӑрӑха чӑваш халӑхӗн ти-вӗҫлӗ ывӑлӗсем – ашшӗсем, упӑшкисем, яшӗсем ӑсанчӗҫ. Фронтран таврӑнманнисене эпир чуна ыраттарса аса илетпӗр.
Вӗсен паттӑрла ӗҫӗсем ӗмӗр-ӗмӗрех асра упранӗҫ! Шан-тарсах калатӑп: ятарлӑ ҫар операцине хутшӑнакансен пӗр ҫем-йи те, пӗр ачи те пулӑшусӑр юлмасть, ку вӑл – пирӗн тивӗҫ, чӗ-ререн тав тунине палӑртни!
Тӑшмана хаяр тавӑру кӗтет тата Аслӑ Ҫӗнтерӗве те эпир ҫӗнсе илетпӗр!
Раҫҫее санкцисемпе пусарни республика экономикине те пырса тиврӗ. Анчах та эпир аптраса ӳкмерӗмӗр, ӑна арканма памарӑмӑр, пирӗн пӗр предприяти те хупӑнмарӗ, пачах урӑхла, ҫӗннисем уҫӑлчӗҫ. Президентӑмӑрпа ҫӗршыв Правительстви пулӑшса пынине пула пирӗн социаллӑ тивӗҫсене йӑлтах пур-нӑҫлама, инфратытӑма аталантарма тата тума, производст-вӑсем уҫма тата ҫӗнӗ ӗҫ вырӑнӗсем йӗркелеме ҫителӗклӗ ре-сурссем пур. Унтан та ытларах, эпир ял хуҫалӑхӗнче, строите-льствӑра, промышленноҫра тата социаллӑ сферӑра пысӑк ҫӗнтерӳсем турӑмӑр.
Эпир ӳпкелешместпӗр. Йывӑрлӑхсемпе хӑрушлӑхсем пире, Раҫҫейӗн нумай нациллӗ халӑхне, тата та тачӑрах пӗрлеш-терчӗҫ. Пуласлӑха Тӑван ҫӗршывӑмӑр, хамӑр ачасен ырлӑхӗ-шӗн тата халӑхӑн нумай ӗмӗре тӑсӑлакан пуян йӑли-йӗрки ҫине таянса йӗркелетпӗр.
Хаклӑ туссем!
Сире пултаруллӑ ӗҫӗршӗн, пархатарлӑ ӑнтӑлушӑн тата тӑ-ван Чӑваш Ене чечекленекен, пурӑнма чи лайӑх вырӑн туса ху-ма хатӗр пулнӑшӑн тав тӑватӑп.
2023 ҫул кашни киле савӑнӑҫпа телей илсе килтӗр, ырӑ ул-шӑнусем пулассине, лайӑххине ӗненме шанӑҫ кӳтӗр!
Пурсӑра та ҫирӗп сывлӑх, ырлӑх, мӗнпур лайӑххине тата ыранхи куна шанчӑклӑн кӗтме сунатӑп!
Ҫӗнӗ ҫул ячӗпе! Ҫӗнӗ телейпе сире, хаклӑ ентешӗмӗрсем!
Чӑваш Республикин Пуҫлӑхӗ Олег Николаев
