Вăрмар округĕ пирĕн хÿтĕлевçĕсемшĕн çирĕп тыл пулса тăрса халăхăн чăн-чăн пĕрлĕхĕн тĕслĕхне кăтартать.
Салтаксем чикĕсене хÿтĕленĕ чухне кунта, тылра, ĕç вĕрет: волонтерсем тата активистсем гуманитари пулăшăвĕ пуçтарса кирлĕ çĕре илсе çитереççĕ. Пулăшу салтаксем патне кăна мар, чикĕ çумĕнче пурăнакансем патне те çитет.
Çак кунсенче Курск облаçĕнчи шар курнă халăх валли «Эпир Курск облаçĕпе пĕрле» программа шайĕнче черетлĕ гуманитари конвойĕ çула тухнă. Округра пурăнакансем йывăр условисенче пурнăçа çăмăллатма пулăшакан япаласем пуçтарса ăсатма тăрăшнă: флисран çĕленĕ ăшă тумтир, çăм нускисем, хĕллехи палаткăсем, турист баллонĕсем, эмелсем, аптечкăсем тата ытти те.
Айккинче юлман кашни çын тава тивĕç. Çак пулăшу фронтпа тыла çыхăнтарса тăрать, йывăрлăх тÿсекен çынсен чĕрисене ăшăтать.
Надежда ШИШКИНА
