Мартăн 27-мĕшĕнче 13:00 сехетре ачасемпе çамрăксен театрĕсен коллективĕсен «Театральное Приволжье» Фестивалĕн пĕтĕмлетĕвĕ иртĕ. Унăн онлайн-трансляцине https://театральноеприволжье.рф сайтра курма пулать.
Фестивалĕн регионти тапхăрĕ 2022 çулхи октябрь-декабрь уйăхĕсенче иртнĕ. Республика чысне хÿтĕлеме И.Н. Ульянов ячĕллĕ Чăваш патшалăх университетĕнчи студентсен «Кафедра» театрĕ тивĕçнĕ. Вĕсене спектаклĕ «Впору» ятлă.
Кăçалхи январь-февраль уйăхĕсенче Фестивалĕн округри тапхăрĕ иртнĕ. Унта 14 регион представителĕсем 28 спектакль кăтартнă. Фестивалĕн округри тапхăрне мартăн 27-мĕшĕнче, шăпах та Пĕтĕм тĕнчери театрсен кунĕнче, пĕтĕмлетеççĕ. 1-мĕш вырăна тухакансене 250 пин тенкĕ парса чыслĕç. 2-мĕш вырăна тухакансене 200 пин, 3-мĕш вырăна тухакансене 150 пин парĕç. Çĕнтерÿçĕсене тĕрлĕ номинацисенче палăртĕç.
Чăваш Республикин представителĕсем онлайн-трансляцине талантлă ачасемпе çамрăксен «Эткер» центрĕнчен хутшăнĕç.
