Майăн 23-29-мĕшĕсенче Чăваш Республикинче Пĕтĕм тĕнчери XVII кинофестиваль иртет.
Фестиваль шайĕнче республикăри кинотеатрсенче тĕрлĕ фильмсем кăтартĕç: тулли метражлă фильмсем, этникăллă тата регионсенчи кино. Ача-пăча программине те планланă. Çавăн пекех мастер-классем иртĕç, конкурс тулашĕнчи фильмсен кăтартăвĕ пулĕ, вĕсен хушшинче — 1934 çулхи «Чапаев» художествăлла фильм. Кино курас текенсене тÿлевсĕрех кĕртеççĕ.
Фестивале Раççейре ÿкернĕ кинокартинăсем кăна мар, Кыргызстан, Итали, Иран, Греци, Армени, Инди, Беларусь çĕршывĕсенчи авторсен ĕçĕсем те хутшăнĕç. Кашни фильм пирки тулли информаципе тата программăпа кинофестивалĕн ВКонтакте социаллă сетьри ушкăнĕнче тата www.kino-cap.ru официаллă сайтра паллашма пулĕ.
