Хаклă хĕрарăмсем!
Сире Пĕтĕм тĕнчери хĕрарăмсен кунĕ Мартăн 8-мĕшĕ ячĕпе чун-чĕререн саламлатăп!
«Кăмака – пÿрт ăшши, хĕрарăм – чун ăшши», – теççĕ чăвашсем. Эсир тимлĕ те тăрăшуллă пулнăран кашни килтех ăшăлăхпа хăтлăх хуçаланать, таврари тĕнче вара çутăпа тата ырăлăхпа тулать. Сирĕн ачашлăхăрпа ăсăр пире кирек мĕнле йывăрлăха та çĕнтерме пулăшаççĕ, çĕнĕ çитĕнÿсем тума хавхалантараççĕ.
Эсир республикăн тата пĕтĕм çĕршыв аталанăвне калама çук пысăк тÿпе хыватăр. Чун туртăмне парăнса ĕçлекен вĕрентекенсемпе тухтăрсем, яваплă ертÿçĕсемпе тăрăшуллă специалистсем, ырми-канми ĕçчен ял пикисем, пултаруллă культура ĕçченĕсем – эсир хăвăр ĕçĕрпе, иксĕлми вăй-халăрпа тата хастарлăхăрпа Чăваш Енĕн хальхи пурнăçне тăватăр тата пуласлăхне йĕркелетĕр.
Ятарлă çар операцине хутшăнакан пирĕн çар çыннисен амăшĕсемпе арăмĕсене – уйрăм тав сăмахĕсем. Сирĕн çирĕплĕхĕр, чун хавалĕ, ĕненĕвĕрпе юратăвăр пирĕн салтаксене тăшмана часрах çĕнтерессе çирĕппĕн шанма вăй параççĕ.
Хăйсен пурнăçне Тăван çĕршывшăн ĕçлессине халалланă хĕрарăмсене уйрăммăн тав тăватăп. Сирте вăй, илемлĕх тата паттăрлăх căнарланса тăрать.
Хаклă аннесем, асаннесемпе кукамайсем, аппасемпе йăмăксем, савнă арăмсем тата юратнă хĕрĕмĕрсем! Çак кун сире çывăх çыннăрсем ытамĕ-ытамĕпе чечек парнелеччĕр тата кăмăллă кĕтменлĕхсемпе савăнтарччăр. Пурсăра та çирĕп сывлăх, çемье телейне, ырлăх тата тăнăçлăх сунатăп.
Уяв ячĕпе, Пĕтĕм тĕнчери хĕрарăмсен кунĕпе сире!
Чăваш Республикин Пуçлăхĕ Олег НИКОЛАЕВ
