Вăрмар муниципаллă округĕн хаклă çыннисем!
Сире Аслă Çĕнтерÿ кунĕ ячĕпе чĕререн саламлатăп. Этемлĕх историйĕнчи чи хаяр вăрçă кĕрлесе иртнĕренпе 81 çул та çитрĕ. Анчах çак вăрçă та, Аслă Çĕнтерÿ те манăçмаççĕ. Аслă Отечественнăй вăрçă пирĕн халăхăн кăмăл çирĕплĕхне, тÿсĕмлĕхне тĕрĕслерĕ. Вăхăт иртет, самана хыççăн самана улшăнать, анчах Майăн 9-мĕшĕ пирĕншĕн çав-çавах хумхануллă уяв. Паян эпир вăрçăран таврăнман паттăрсене чысласа аса илетпĕр, çĕр çинчи мирлĕ пурнăçа хÿтĕленĕ ветерансен умĕнче пуç таятпăр.
Пирĕн хисеплĕ тыл ĕçченĕсем те пысăк тÿпе хывнă. Вĕсем хăйсене шеллемесĕр тăрăшнипе фронт тыл шанчăклăхне туйсах тăнă. Вĕсен ĕç паттăрлăхне эпир нихăçан та манмăпăр. Таймапуç сире, хаклă ветерансем! Эпир çакăн пек Çĕнтерÿ наследникĕсем пулни пирĕншĕн пысăк чыс кăна мар, вăл çĕршыв пĕрлĕхĕшĕн, никама пăхăнманлăхĕшĕн, килес ăрусен çутă та мирлĕ пуласлăхĕшĕн яваплă пулма ыйтать. Астăвăм пире ырăлăх тата çынлăх идеалĕсемшĕн пĕрлештерсе тăтăр! Тăван çĕршыв умĕнчи тивĕçе пурнăçлас ĕçре мир, савăнăç, тăнăçлăх, хăюлăх, çирĕплĕх сунатăп! Сире те, сирĕн çемйĕрсене те — сывлăх тата ăнăçу!
Николай ВЛАДИМИРОВ, Раççей Федерацийĕн сенаторĕ
