035Иртнĕ кунсенче Вăрмар районĕнче ЧР сывлăх сыхлавĕн министрĕ В.Степанов тата ЧР строительствăпа архитектура тата пурăнмалли çурт-йĕрпе коммуналлă хуçалăх министрĕ А.Героев пулчĕç.

Ĕçлĕ визит Вăрмар ра­йон администрацийĕн ларусен за­лĕн­че иртнĕ канашлуран пуçланчĕ. Унта Вăрмар район пуçлăхĕ М.Пуклаков, райадминистраци пуçлăхĕн тивĕçĕсене пурнăçлакан Н.Павлов, район администрацийĕпе тĕп больницăн коллективĕсем, районти организацисен руководителĕсем хутшăнчĕç.

Сăмах Чăваш Республикин 2020-2025 çулсенчи социаллă пурнăçпа экономика аталанăвĕн Комплекслă программи, республикăн кăçалхи çитĕнĕвĕсем çинчен пычĕ.

ЧР сывлăх сыхлавĕн министрĕ В.Степанов сывлăх сыхлавĕн пуçламăш сыпăкне модернизацилес тĕллев­сем, чĕрепе юн тымарĕсен çĕнĕ центрне, туберкулезпа кĕрешмелли диспансер, рес­публикăри ача-пăча клиника больницин çĕнĕ корпусне хăпартасси пирки каласа пачĕ. «Коронавируспа çыхăннă лару-тăру ерекен чирсенчен сыватмалли çĕнĕ корпус ту­ма хис­тет. Пациентсене пысăк квалификациллĕ медици­на пулăшăвĕ пама мĕнпур çĕ­нĕ объектсене хальхи йышши оборудованипе тивĕçтерĕпĕр», — пĕлтерчĕ Владимир Геннадьевич.

ЧР строительствăпа архитектура тата пурăнмалли çурт-йĕрпе коммуналлă хуçалăх министрĕ А.Героев строительство сферипе çыхăннă темăсем çинче чарăнса тăчĕ. Республикăра нумай хваттерлĕ çуртсен территорийĕсене хăтлăлатас ĕç малалла пырассине палăртрĕ, ăшă пыракан пăрăхсене çĕнетес, халăха таса шывпа тивĕçтерес ыйтусене хускатрĕ.

Пухăннисен хăйсен те явап­лă çынсенчен ыйтмалли сахал мар пулчĕ, çав шут­ра районти хăш-пĕр ялсенче çĕнĕ фельдшерпа акушер пункчĕсем хă­çан пулаççĕ-ши тесе кăсăкланчĕç. ЧР сывлăх сыхлавĕн министрĕ В.Степанов палăртнă тăрăх, ФАПсем хăпартас ĕç çитес çултан хута каймалла.

Канашлу хыççăн Владимир Геннадьевич тата Александр Валерьевич районти тĕп больница территорийĕнче пулса кунта çĕнĕ корпус тăвас ыйтă­ва сÿтсе яврĕç, унтан «Урмары­теплосеть» муниципаллă унитарлă предприятин Вăрмар поселокĕнчи 1-мĕш котельнăйĕн ĕçĕ-хĕлĕпе паллашрĕç.

И.ДАНИЛОВА.

Добавить комментарий

Наши соцсети

Яндекс. Новости

Архив материалов

Март 2024
Пн Вт Ср Чт Пт Сб Вс
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Праздники

Последние комментарии

Яндекс.Метрика