Тикаш ялĕнче пурăнакансем ятарлă çар операцийĕнчи ентешсем валли маскировка тетелĕ тăрăшса çыхаççĕ. Çак ĕçе кунти культура çуртĕнче йĕркеленĕ. Питĕ активлă та тăрăшуллă маскировка тетелĕ çыхакан хĕрарăмсем. Çак тапхăрта пурĕ 82 маскировка тетелĕ çыхнă.
Унсăр пуçне, акă, иртнĕ кунсенче кунти ĕçченсем Çĕнĕ Вĕренер ялĕнче пурăнакансем ыйтнипе ятарлă çар операцине хутшăнакан Владимир Николаевич Николаев çамрăк офицер валли гуманитари пулăшăвĕ кÿрсе пилĕк маскировка тетелĕ çыхса пачĕç. Çĕнвĕренерсем Тикаш волонтерĕсене чунтанах тав турĕç.
Надежда ГАВРИЛОВА, Тикашри хĕрарăмсен канашĕн председателĕ
