Ипотекăн процент ставкин пайĕн компенсацине илме Чăваш Республикинчи ИТ-специалистсенчен июль уйăхĕн 1-мĕшĕнчен заявкăсем йышăнма тытăнаççĕ.
Компенсаци памалли йĕрке пирки Постановленине Чăваш Республикин Министрсен Кабинечĕн Председателĕ Сергей Артамонов алă пуснă. ИТ-специалистсене пулăшмалли çĕнĕ мерăна Чăваш Енре пуçласа хута янă. Çăмăллăхсем парассине «Единая Россия» партин «Цифровая Россия» проекчĕн регионти активисчĕсен пуçарăвĕпе йышăннă. Регионти çĕнĕ мерăна /кредит ставкин 3 проценчĕ/ аккредитациленнĕ ИТ—компанисен работникĕсем, çăмăллăхлă ипотекăна 2026 çулхи январĕн 1-мĕшĕнчен илнисем, тивĕçеççĕ. Тÿлеве кварталта пĕр хутчен параççĕ, услови — заемщикăн Чăваш Республикинче пурăнмалла тата вырăнти ИТ—организацинче ĕçлемелле.
Заявленине июлĕн 15-мĕшĕччен «Чувашия онлайн» портал урлă памалла — 2026 çулхи I-мĕш тата II-мĕш кварталсемшĕн харăс. Республикăн Цифра министерстви заявкăсене 7 ĕç кунĕ хушшинче пăхса тухать.
ЧР Цифра министерстви
