Ачасен сывлăхне çирĕплетмелли «Романтика» лагерьте пĕрремĕш смена уçăлнă.
Уяв линейкинче ачасене смена пуçланнă ятпа лагерь директорĕ Михаил Ухин, Вăрмар муниципаллă округĕн вĕрентÿпе çамрăксен политикин пайĕн представителĕ Олеся Федорова, лагерь ветеранĕ, кунта 41 çул ĕçленĕ Татьяна Гаврилова саламланă, канăва усăллă та интереслĕ ирттерме, çĕнĕ тус-юлташсем тупма суннă. Лагере канма килнĕ ачасем савăнăçлă пулăм ячĕпе спорт флешмобĕ кăтартнă, юрăсем юрланă, ташланă, сценкăсем лартса панă. «Романтикăри» çуллахи кану лайăххипе кăна асра юлтăр вĕсен!
