GAIАча-пăчана çул-йĕр çинчи инкексенчен сыхласси — патшалăхăн тĕп тĕллевĕсенчен пĕри. Çул çинчи хăрушсăрлăх автомашина рулĕ умĕнче лараканран та, çуран çÿрекенрен те килет, çавăнпа та правилăсене пурин те пĕр тан пăхăнмалла, пĕр-пĕрне хисеплемелле.

Çул-йĕр çинчи транспортпа çыхăннă хăрушлăхсенчен асăрханассине профилактикăлассипе, водительсен культурине ÿстерес тĕллевпе Вăрмарти Ача-пăча пултарулăх çурчĕн ĕçченĕсем, РФ ШĔМĕн муниципалитетсем хушшинчи «Урмарский» уйрăмĕн Çул-йĕр хăрушсăрлăхĕн патшалăх инспекцийĕн начальникĕ Е.Георгиев, Г.Е.Егоров ячĕллĕ Вăрмарти пĕтĕмĕшле пĕлÿ паракан вăтам шкулта 7 «А» класра вĕренекенсемпе вĕсен класс руководителĕ Е.Васильева — пурте пĕр­ле «Водителе çыру» /«Письмо водителю»/ акци йĕркелесе ирттерчĕç. Акцие хутшăнакансем Вăрмар поселокĕнчи автотранспорт, çынсем нумай çÿрекен урама суйласа илчĕç. Çак урамра вĕсем автомобилистсене районти вĕрентÿ учреждени­йĕсенчи ачасем çырнă çырусене тыттарчĕç.

«Пирĕн атте-анне çул çинче инкек пуласран ан пăшăрхантăр тетпĕр эпир ирпе шкула тухса кайсан, каялла таврăннă чухне. Хисеплĕ водитель, сана та килте çывăх çынсем кĕтнине ан ман», - çакăн евĕрлĕ çырнă акцие хутшăнакансем водителе адресланă çырура. Хăйсен çырăвĕсенче ачасем водительсене çул-йĕр правилисене пăхăнма, автомашина рулĕ умĕнче ларнă вăхăтра телефонпа калаçмалла мар, хăвăртлăха ÿстермелле мар тесе ыйтнă. Уйрăмах шкул çывăхĕнче иртсе кайнă чухне асăрхануллă пулмалла тенĕ.

Акцие ирттерме суйласа илнĕ урама çак кун водительсемпе ачасен хаваслă кулли илемлетрĕ. Патшалăх автоинспекци инспекторĕ водительсене çак кун асăрхаттарма, тĕрĕслеме е штрафлама мар, ачасем вĕсене çыру тыттарччăр тесе чарчĕ. Водительсем ачасене ăнлануллăн йышăнчĕç, çул çинче çав тери асăрхануллă пуласса шантарчĕç.

Çак акци ачасене хăйсем пĕл­терĕшлĕ ĕç тунине туйма май пачĕ, вĕсем те çул-йĕр çинчи хăрушсăрлăхшăн тÿпе хывнишĕн савăнчĕç.

К.ПУДРИКОВА,

Вăрмарти Ача-пăча

пултарулăх çурчĕн

директорĕ.

Добавить комментарий

Наши соцсети

Яндекс. Новости

Архив материалов

Март 2024
Пн Вт Ср Чт Пт Сб Вс
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Праздники

Последние комментарии

Яндекс.Метрика