Февралĕн 14-мĕшĕнче Вăрмар муниципаллă округĕнче «Раççей йĕлтĕр йĕрĕ – 2026» спорт ăмăртăвĕ иртет. Йĕлтĕрçĕсем поселокри тĕп стадионта ăмăртĕç. Округ администрацийĕнче ку енĕпе йĕркелÿ комитечĕн ларăвĕ иртнĕ. Унăн ĕçне Олимп резервĕн В.Ярды ячĕллĕ 7 номерлĕ спорт шкулĕн директорĕ Анатолий Семенов та хутшăннă.
Йĕркелÿ комитечĕн членĕсем ăмăрту ирттерсе ямалли ыйтусене сÿтсе явнă.
Йăлана кĕнĕ йĕркепе старта шкул ачисем, округ администрацийĕн, предприятисемпе организацисен ĕçченĕсем, спортсменсем, йĕлтĕр спорчĕн ветеранĕсем, кăмăл тăвакансем хутшăнаççĕ. Мероприяти 10.15 сехетре уçăлать, 10.30 сехетре пуçланать.
