Паян, 2026 çулхи октябрĕн 30-мĕшĕнче, Чăваш Республикин Пуçлăхĕ Олег Николаев Чăваш Республикин Патшалăх Канашне янă Çырăвĕпе улттăмĕш хут паллаштарать. Мероприяти Чăваш патшалăх филармонийĕнче иртет, пуçламăшĕ — 11.00 сехетре.
Регион руководителĕ регион аталанăвĕн тĕп енĕсене палăртакан программа документне халăх умне кăларать. Хăйĕн Çырăвĕнче вăл регионăн пуласлăхри задачисене тата тĕллевĕсене, çав шутра граждансен пурнăç пахалăхне ÿстерессипе, инфратытăма аталантарассипе, экономика потенциалне çирĕплетессипе çыхăннă мерăсене палăртать. Çавăн пекех республикăн социаллă тата экономика политикин тĕп енĕсем, наци проекчĕсене тата патшалăх програмисене пурнăçласси те — тимлĕхре.
Тĕплĕнрех «Хĕрлĕ ялав» хаçатăн çитес номерĕнче вуласа пĕлме пулĕ.
