Ямпай ялĕнче пурăнакансемшĕн чи кĕтнĕ вăхăт çитрĕ, кунта ял клубĕ тума тытăннă. «АСТ-21» тулли мар яваплă общество çĕр ĕçĕсене вĕçлесе пулас çуртăн фундаменчĕ валли тимĕр свайсем вырнаçтарнă. Контрактпа килĕшÿллĕн территорие хăтлăлатасси, фундамент никĕсне хатĕрлесси кăçалхи ноябрĕн 25-мĕшĕччен вĕçленмелле. Кунти ĕçсемпе район администрацийĕн пуçлăхĕ Д.Иванов паллашнă. «Объектра ĕç вĕресе тăрать. Ĕç хăвăртлăхне чакармасăр палăртнă срокра ĕлкĕрмелле пултăр. Çĕнĕ çул тĕлне районта тата тепĕр çĕнĕ культура учрежденийĕ уçăласса шанатпăр», - тенĕ Дмитрий Геннадьевич.
