Тикаш ял тăрăхĕнчи Хĕрлĕçыр ялĕнче ача-пăча тата аслисем валли спорт площадкине тумалли ĕçсем пуçланчĕç. Объект строительствине Геннадий Николаевич Павлов пурнăçлать. Вăл ертсе пынипех Çĕнĕ Вĕренерте те ача-пăчапа спорт площадкине тунă.
Пулас объектăн никĕсне хатĕрленĕ хыççăн бордюрсем вырнаçтарса пĕтернĕ, тротуара плита хурассипе, площадкăна бетон ярассипе ĕçлеççĕ.
Палăртса хăвармалла, паянхи йышши çак лапама сывлăха çирĕплетме тата ачасемпе аслисен канăвне усăллă йĕркелес тĕллевпе хатĕрлеççĕ. Ĕçсене икĕ миллиона яхăн тенкĕлĕх пурнăçламалла.
Валерий НАРСОВ, Тикашри территори пайĕн начальникĕ
