Вăрмар округĕнчи Энĕшпуç ялĕнчи пĕтĕмĕшле пĕлÿ паракан вăтам шкулăн тĕп юсавĕпе çыхăннă ĕçсем вĕçленсе пыраççĕ.
Хальхи вăхăтра бригадăсем вентиляциллĕ фасада йĕркене кĕртеççĕ, классенче тата коридорсенче стенасене сăрлаççĕ, çирĕп линолеум сараççĕ, çĕнĕ алăксем лартаççĕ. Коммуникацисене те улăштараççĕ: хутса ăшăтмалли çĕнĕ тытăм пулать, çавăн пекех шыв пăрăхĕсен хальхи йышши тытăмне хурса хăвараççĕ.
Контрактпа килĕшÿллĕн, тĕп юсав кĕркунне пĕтиччен вĕçленмелле, ăна туса ирттерме 148 миллиона яхăн тенкĕ уйăрнă. 2026 çулта Чăваш Енре 38 шкула тĕпрен юсаççĕ, Энĕшпуç шкулĕ — вĕсенчен пĕри.
