Район çыннисем валли тепĕр савăнăçлă хыпар: «Аниш-Чупай» автоçул çинче çывăх вăхăтра чылайранпа кĕтнĕ чарăну павильонĕ пулĕ. Чупай ял халăхĕ çакăн пирки тахçантанпах ĕмĕтленнĕ. Вăрмар поселокне автобуспа çитмелле чухне çăмăл мар вĕсене, çумăртан, юртан пытанма май çук.
Район администрацийĕн пуçлăхĕ Д.Иванов, строительствăпа çул-йĕр тата пурăнмалли çурт-йĕрпе коммуналлă хуçалăх пайĕн начальникĕн заместителĕ Т.Васильева Чупай ял тăрăхĕн администрацийĕн пуçлăхĕпе Н.Ивановпа тата Чăваш Республикин Транспорт министерствин «Чувашупрдор» хысна учрежденийĕн представителĕпе пĕрле çĕнĕ павильон вырнаçтармалли вырăна çитсе тĕрлĕ ыйтусене сÿтсе явнă.
Н.ШИШКИНА.
