Халăхăн пĕр пайне мобилизацилессипе, çынсене хăрушсăрлăхпа тивĕçтерессипе çыхăннă ыйтусене хăвăрт татса пама, оборона промышленноçĕн предприяти-организацийĕн, транспорт ĕç-хĕлĕн тухăçлăхне тытса пыма РФ Президенчĕн хушăвĕпе килĕшÿллĕн Чăваш Енре оперативлă штаб туса хунă. Республика Пуçлăхĕ О.Николаев штабăн анлă ларăвне ирттернĕ. Канашлăва политика партийĕсен, общество организацийĕсен, ĕç тăвакан влаç органĕсен, муниципалитет йĕркеленĕвĕсен администрацийĕсен представителĕсем хутшăннă. ЧР ĕçлевпе социаллă хÿтлĕх министрĕ А.Елизарова палăртнă тăрăх, мобилизациленнисен, ятарлă çар операцине хăйсен ирĕкĕпе тата контракт мелĕпе хутшăнакансен çемйисем валли федераци шайĕнче палăртнă çăмăллăхсемсĕр пуçне ЧР Пуçлăхĕн хушăвĕпе килĕшÿллĕн çирĕплетнисем те пур. Çак шута ачасене шкулта икĕ хутчен тÿлевсĕр вĕри апат çитерни, садике, хушма вĕрентÿ заведенийĕсене, спорт учрежденийĕсене çÿренĕшĕн тÿлемелле марри, пĕчĕклетнĕ процентлă ипотека, ЧР Пуçлăхĕн стипендийĕ кĕреççĕ.
Çак мерăсене пурнăçлама республика бюджетĕнчен 4 миллиона яхăн тенкĕ уйăрнă. А.Елизарова çемьесене социаллă хÿтлĕхпе тивĕçтерессине те палăртнă.

Добавить комментарий