Вăрмар район администрацийĕн ял хуçалăхĕпе экологи пайĕн начальникĕ Николай Михайлович НИКОЛАЕВ пĕлтерет: «Ентешсен форумĕ çÿллĕ шайра йĕркеленĕ мероприяти. Хамăрăн ентешсене пирĕн пĕлсех тăмалла, вĕсемпе мухтанмалла. Ентешлĕх форумĕ пире пурсăмăра та пĕр чăмăра пухăнса кирлĕ пек ĕçсем йĕркелесе пыма витĕм кÿрет. Чăваш Енрен тухнă Раççей шайĕнчи паллă çынсене кăтартрĕç пире. Театр тата кино актерĕ Анатолий Гущин онлайн çыхăнăва тухнă форума хутшăнакансем патне. «Эпĕ Чăваш Ен ывăлĕ. Манăн анне чăваш. Эпĕ унпа чăнласах та, мăнаçланатăп. Чăваш чĕлхине упрамалла. Çитĕнекен ăрăва парса хăвармалла, тăван чĕлхепе калаçма вĕрентсе пымалла», - тенĕ».

Добавить комментарий