Кĕрхи призыв старт илнĕ май Вăрмар районĕнчи призывниксем медицина тĕрĕслевĕ витĕр тухаççĕ. Районти тĕп больницăри врач-терапевт А.Филиппова пĕлтернĕ тăрăх, çара кайма хатĕрленекен çамрăксен сывлăхне тĕплĕн тĕрĕслеççĕ. «Призывниксем кашни специалист патĕнче тĕрĕсленеççĕ — хирург, офтальмолог, лор тата ыттисем патĕнче те. Енчен те иккĕленÿллĕ самантсем пулсан хушма тĕрĕслев витĕр те тухаççĕ, кардиологпа эндокринолог патĕнче те тĕрĕсленмелле. Медкомисси членĕсем хăйсен тивĕçĕсене яваплăн пурнăçлаççĕ», — ăнлантарчĕ вăл.
В. призывник та унăн сăмахĕсене çирĕплетрĕ. «Çар службине каякансен сывлăхне тĕплĕн тĕрĕслени питĕ пĕлтерĕшлĕ. Район больницинче ку енĕпе тăрăшуллăн ĕçлеççĕ, пирĕн сывлăха пĕтĕм енчен тĕрĕслеççĕ», — терĕ çамрăк. Хăй вăл 9 класс пĕтернĕ хыççăн колледжра пĕлÿ илнĕ. Халĕ вĕренсе пĕтернĕ те, акă, çĕршыв умĕнчи тивĕçне пурнăçлама вăхăт çитнĕ.
