РФ Президенчĕн Хушăвĕпе килĕшÿллĕн, Чăваш Республикинче пурăнакан, тăватă тата ытларах ача çуратса воспитани панă виçĕ мăшăра «Ашшĕ-амăшĕн мухтавĕ» Орден медалĕпе наградăланă. Çавăн пекех нумай ачаллă сакăр хĕрарăма ачисене тивĕçлĕ воспитани панăшăн Чăваш Республикин амăшĕн мухтавĕн «Анне» паллипе палăртнă.
«Анне» паллăна тивĕçнĕ хĕрарăмсем хушшинче Вăрмар районĕнчи Çитмĕш ялĕнче пурăнакан Елена Ивановна Павлова та пулнине пĕлтерме кăмăллă. Елена Ивановна — ĕç ветеранĕ, нумай çул суту-илÿ тытăмĕнче вăй хунă, вунă çул Çитмĕш клубĕн заведующийĕнче ĕçленĕ. Мăшăрĕпе Григорий Павловичпа /шел, вăл ку тĕнчерен уйрăлса кайнă ĕнтĕ\ ултă ача çуратса ÿстернĕ, тĕрĕс воспитани парса пурнăç çулĕ çине кăларнă.

Добавить комментарий