Украинăри ятарлă çар операцине хутшăнакансемпе Вăрмар ра­йон çыннисем çыхăну тытсах тăраççĕ. Салтаксене йывăр вăхăтра хавхалану, пулăшу кирлине те аван пĕлеççĕ. Нумай пулмасть кăна район хастарĕсем Луганск тата Донецк халăх Республикисен чиккинче пулса алла хĕç-пăшал тыт­нă салтаксемпе тĕл пулнăччĕ, вĕсем патне чылай япала илсе çитернĕччĕ.

Иртнĕ вырсарникун, акă, пысăк тиевлĕ МАЗ ав­то­машинăпа Вăрмарсем каллех аякри çăмăл мар çула тухрĕç. Район çыннисем кар тăрса пуçтарнă гуманитари пулăшă­вне мобилизациленĕ салтаксем патне передовойне Вăрмар арçыннисен пуçаруллă ушкăнĕ илсе çитермелле. Çu1ак йышра Анатолий Юрьевич Хованский, Николай Аркадьевич Илларионов, Сергей Николаевич Григорьев. Вĕсене инçе çула каяс умĕн Мăнçырмари Тихвински Турамăш турăшĕ ячĕллĕ чиркÿ настоятелĕ Леонид атте пил парса, ăнăçу сунса ăсатнă, районти ытти çынсем те пĕрле пулнă çак вăхăтра.

u2Вăрмар район халăхĕ çăмăл мар вăхăтра чăннипех те пĕр чăмăра пухăнса туслă пулнине çирĕплет­рĕ. Ватти-вĕтти, çамрăксем, предпринимательсем кам мĕнпе пулăшма пултарать – пурте хăйĕн тÿпине хывнă. Кам тăхăнмалли ăшă тумтирпе, теприсем тĕрлĕ-тĕрлĕ апат-çимĕç­пе, электроинструментсемпе, медицина препарачĕсемпе, вĕри апат пĕçермелли савăтсемпе, пĕчĕк тимĕр кăмакасемпе тата ытти нумай-нумай япалапа пулăшрĕç. Халăх вăйĕпе пысăк автомашина фургонĕ тулли тулнă. Йыш пĕр чăмăрта пулни хурçăран çирĕп тесе ахальтен каламаççĕ ĕнтĕ.

Акă Вăрмар пасарĕнче «Техник» лавкка тытакан уйрăм çын предприниматель Сергей Николаевич Егоров /ÿкерчĕк çинче/ хăйĕн шăллĕпе Алексей Николаевичпа пĕрле /Чупай ялĕнчен/ ятарлă çар операцине хутшăнакан хамăрăн ентешсем валли бензинпа ĕçлекен генератор, бензопăчкă, аккумуляторпа ĕçлекен болгарка, сварка тумалли аппарат, электроинструментсемпе ĕçлемелли тĕрлĕ-тĕрлĕ ытти хатĕр пуçтарса панă.

Вăрмар поселокĕнчи Эдуард Влади­мирович Павлов предприниматель палаткăра хутса ăшăтмалли тимĕр кăмакасем — 7 буржуйка туса парса янă, вĕсенчен пĕрин çинче ху­ран лартса апат пĕçерме пулать /ÿкерчĕк çинче\. «Хутса ăшăтмалли кăмакасем кирлине пĕлсен 3-4 кун хушшинче туса ĕлкĕртĕмĕр, вĕсене пурне те вут хурса хутмалла пулĕ», - пĕлтерчĕ Эдуард Владимировичăн ашшĕ Владимир Павлов. Унăн тепĕр ывăлĕ Андрей Владимирович малтанхи хутĕнче лавк­каран 12 пин тенкĕлĕх апат-çимĕç продукцийĕ туянса парса янă пулнă.

Район çыннисен пулăшăвĕ курăмлă, Украинăри ятарлă çар операцине хутшăнакансемшĕн çав тери пĕлтерĕшлĕ.

Э.МИХАЙЛОВА.

Добавить комментарий

Наши соцсети

Яндекс. Новости

Архив материалов

Март 2024
Пн Вт Ср Чт Пт Сб Вс
26 27 28 29 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Праздники

Последние комментарии

Яндекс.Метрика