Çут çанталăкăн хăйĕн саккунĕ тенĕ пек юлашки кунсенче вăл хăйĕн вăй-хăватне чăннипех те кăтартрĕ. Пăрлă çумăр çуса çул-йĕре пăрпа витсе хучĕ, электролини пралукĕсем те шăнтса хытса шар курчĕç. Вырăн-вырăнпа юсавран тухнине пула районти чылай ялсенче пурăнакансем килĕсенче çутăсăр лараççĕ. Çакăн пек лару-тăрăва сирсе ярас тĕллевпе районти электросетьсенче ĕçлекенсем кунĕн-çĕрĕн ĕç вырăнĕсенче пулса чрезвычайлă лару-тăрăва сирсе ярас тесе тăрăшаççĕ. Вĕсене пулăшма Самар тата Чĕмпĕр облаçĕсенчен специалистсем икĕ бригада çитнĕ. Вĕсем хальхи вăхăтра18 çын тата 6 техника единици чрезвычайлă лару-тăрăва сирсе ярас сипе ырми-канми ĕçлеççĕ. Вăрмар районĕн хисеплĕ çыннисем, çак вăхăтра сире пурне те лăпкăлăха упраса ăнланма ыйтатпăр.
Ю.ЕФИМОВ, райадминистрацин гражданла оборонăпа чрезвычайлă лару-тăру ĕçĕсен секторĕн заведующийĕ.
