Çутçанталăкăн кашни вăхăчĕ хăйнеевĕрлĕ илемлĕ, пирĕншĕн вара хăмлаçăсемшĕн кĕркунне чи илĕртÿлли, чи хитри тесе калас килет. Мĕншĕн тесен эпир çак вăхăтра хамăр пухса илнĕ «Симĕс ылтăнăн» тупăшне пĕтĕмлететпĕр. Çакă вăл чи кĕтнĕ самант — мĕн ĕçленин кăтартăвĕ. Кăтарту вара пирĕн начарах мар темелле, кашни çĕнĕ çулах лайăх кăтартусемпе кĕтсе илетпĕр. Хăмла туса илес енĕпе пирĕн район 2022 çулта республика шайĕнче 2-мĕш вырăна тухма пултарчĕ. Çакă вăл пирĕншĕн пысăк çитĕнÿ пулчĕ. Районта хăмла 36 гектар çинче çитĕнет. çимĕç параканни - 32 гектар. Пĕр гектартан вăтамран 16,7 центнер пухса илтĕмĕр. Мĕн çитĕнтернипе лăпланса лармастпăр, тăтăшах çĕннине пурнăçа кĕртме тăрăшатпăр.

Добавить комментарий