«Чăваш Енре «У педагогики женское лицо» ятпа çамрăк педагогсен форумĕ пулса иртнĕ. Çак мероприятие уçнă май ЧР Пуçлăхĕ О.Николаев çитĕнекен ăрăва патриотла воспитани парса çитĕнтерес ĕçре наставникпе педагогăн, учителĕн тÿпи çав тери пысăк пулнине палăртнă. Паянхи кун республикăра çамрăк педагогсене хавхалантарассипе тĕллевлĕ ĕçлеççĕ. Кăçал декабрь уйăхĕн пуçламăшĕнче республика Пуçлăхĕ О.Николаев пĕчĕк ялсемпе хуласене ĕçе вырнаçакан педагогика ĕçченĕсене пулăшу кÿрессипе Хушăва алă пуснă. Вăл 2023 çулхи январĕн 1-мĕшĕнчен вăя кĕрĕ. Çамрăк вĕрентекенсем валли шкулта ĕçлемелли аван условисем туса хатĕрлеççĕ. Çитес çул Раççейре шăпах та «Педагогпа наставникĕн çулталăкĕ пулĕ». Çавăнпа та пирĕн республикăра та, районта та ку енĕпе пĕлтерĕшлĕ ĕçсем туса ирттерĕç паллах.

Добавить комментарий