«Ветеринари çинчен» саккуна кĕртнĕ улшăнусем кăçалхи сентябрь уйăхĕн 1-мĕшĕнчен вăя кĕрĕç. Выльăх-чĕрлĕхе маркăласси тата учета тăратасси - çав шутра.
Çак йĕркене пăхăнма 2024 çулхи март уйăхĕн 1-мĕшĕнчен çирĕп ыйтĕç. Унччен РФ Ял хуçалăх министерствинче маркăламалли тата учета тăратмалли чĕрчунсен списокне хатĕрлĕç. Ку мăйракаллă шултра выльăха, сыснана, сурăха, качакана, кайăк-кĕшĕке, кролика тата пыл хуртне пырса тивĕ. Приюта е культурăпа курав учрежденине илнĕ чĕрчунсене те ятарлă паллă лартĕç. Вĕсене те, мăйракаллă шултра выльăха та, лашана та, тĕвене те уйрăмшар маркăлĕç. Сыснана, сурăха, качакана, чăхха, кăрккана, кăвакала тата пыл хуртне — ушкăншаррăн. Çĕнĕ саккунпа килĕшÿллĕн йытта, кушака тата килти ытти чĕрчуна маркăламалла мар. Маларах РФ Патшалăх Думинче вĕсем валли уйрăм саккун проекчĕ кирлине палăртнă.
