ЧР Пуçлăхĕ О.Николаев февраль уйăхĕнчен пуçласа Пĕрлехи информаци кунĕсене ирттерессине çĕнĕрен йĕркелесе ямаллине пĕлтернĕ. Юлашки хутчен Пĕрлехи информаци кунĕ 2020 çулхи март уйă­хĕнче иртнĕ пулнă, çĕнĕ коронавирус инфекцийĕ сарăлнине кура çак ĕçе вăхăтлăха чарса лартнă. Информаци кунĕсем — питĕ кирлĕ. Вĕсем халăха влаçпа куçа-куçăн тĕл пулса хумхантаракан çивĕч ыйтусене татса пама пулăшаççĕ. Ку вăл хăйне майлă влаçпа халăх хушшинчи усăллă диалог. Тĕрлĕ должноç йышăнакан яваплă çынсем халăха илтсе, чи пĕлтерĕшлĕ ыйтусене шута илсе вĕсене республика шайне илсе çитерĕç. Пĕрлехи информаци кунĕ февралĕн 15-мĕшĕнче пулĕ.
Сывлăх сыхлавĕн министрĕ В.Степанов Пĕрлехи информаци кунне хутшăнакансене, теветкеллĕ ушкăнрисене уйрăмах, маска тăхăнма, алла ятарлă хутăшпа дезинфекцилеме сĕнет. Çакă грипп, респираторлă вирус инфекцийĕ, коронавирус сарăласран асăрханма пулăшĕ. Вакцинаци çинчен те манмалла мар. Вăл — чи витĕмлĕ профилактика.

Добавить комментарий