Фитнес-аэробика Чăваш Республикинче çулсерен аталанса, вăй илсе пырать. Регионта пурăнакансем çак илемлĕ спорт тĕсĕпе кăмăлласах туслашаççĕ. Вăрмар муниципаллă округĕнче те, А.Ф.Федоров ячĕллĕ Вăрмарти ачасемпе çамрăксен спорт шкулĕнче, фитнес-аэробика уйрăмĕ ĕçлет. Çак кунсенче Шупашкар хулинчи Маунтинбайк аталанăвĕн Центрĕнче Чăваш Республикинчи шкул ачисем хушшинче фитнес-аэробика енĕпе Спартакиада иртрĕ. Куçа илĕртекен тумсем, хавхалантаракан юрă-кĕвĕ, çĕкленÿллĕ кăмăл-туйăм — Маунтинбайк аталанăвĕн Центрĕнче чăн-чăн уяври пек хаваслă лару-тăру хуçаланчĕ.
Спартакиадăна Вăрмар муниципаллă округĕнчи «Звездочка» команда та ăнăçлă хутшăнчĕ. Команда йышĕнчи хĕрачасем — Ксения Григорьева, Полина Дмитриева, Милана Григорьева, Ирина Григорьева, Екатерина Иванова, Серафима Сергеева — жюрине ташă техникипе те, тĕрлĕ тĕслĕ хитре тумĕсемпе те тĕлĕнтерчĕç, куракансене хăйсен пултарулăхĕпе тыткăна илчĕç, тивĕçлипех 1-мĕш вырăна çĕнсе илчĕç. Маттур!
Н.Давыдова, фитнес-аэробика енĕпе тренер-преподаватель.
