Чăваш Ен Пуçлăхĕ Олег Николаев республикăра пурăнакансен ыйтăвĕсене «тÿрĕ эфирта» хуравлама пуçларĕ. Пĕрремĕш ыйту Вăрмар муниципаллă тăрăхĕнчи Пинер ялĕнче пурăнакан 5 ача амăшĕнчен Анастасия Филипповăран пулчĕ.

Ăна фельдшерпа акушер пункчĕсенче ĕçлекенсем пулманни пăшăрхантарать. Пинер ялĕнче çĕнĕ фельдшерпа акушер пункчĕ туса лартнă, анчах та хальхи вăхăтра кунта халăха йышăнма пултаракан специалист çукки канăçсăрлантарать. Олег Николаев специалистсене яла илĕртме тĕрлĕ программа хута кайнине аса илтерчĕ. Тĕслĕхрен, "Земство тухтăрĕ", "Земство фельдшерĕ" программăсем ĕçлеççĕ. Пĕлтĕр 191 çын ял тăрăхĕнчи сывлăх сыхлав учрежденийĕсене ĕçе вырнаçнă. 366 студент тĕллевлĕ вĕренет. Ку ыйту та майĕпен татăлĕ.

Эвелина Михайлова, Вăрмарти «Хĕрлĕ ялав» хаçат редакцийĕ

Добавить комментарий