Килекен кашни куна зарядкăран пуçлани усăллă пулнине пурте эпир ачаран пĕлетпĕр. «Зарядка» сăмах хăйĕн пĕлтерĕшне хăйех уçса парать — эпир кун ирттермелĕх энергипе тулатпăр.
«Демографи» наци проекчĕн «Спорт — пурнăç норми» федераллă проекчĕ шайĕнче Вăрмарти халăхăн социаллă ыйтăвĕсене тивĕçтерекен комплекслă центрăн çемьепе ачасене пулăшакан уйрăмĕнче савăнăçлă та усăллă мероприяти — «Хаваслă зарядка» — ирттертĕмĕр. Пирĕн воспитанниксем унта тулли кăмăлпа хутшăнчĕç, кунта ĕçлекен специалистсем те вĕсене ырă тĕслĕх кăтартса çĕкленÿллĕ кăмăл-туйăм парнелерĕç. Зарядка питĕ интереслĕ те хĕрÿ иртрĕ, ачасене питĕ килĕшрĕ. Вĕсем кун пек мероприятисем ытларах ирттерме сĕнчĕç.
Валентина ЛУКИНА, çемьепе ĕçлекен специалист
