Арапуçĕнчи территори пайĕнчи Кристинăпа Дмитрий Павловсен çемйи пурăнмалли çурт хăпартма е хваттер туянма пулăшакан социаллă тÿлеве илме ирĕк паракан свидетельствăна тивĕçнĕ.
Çамрăксемшĕн çакă питĕ пĕлтерĕшлĕ, хăтлă çемье вучахĕ малашлăхри плансене палăртма май паракан çирĕп те шанчăклă тыл. Вăрмар муниципаллă округĕн пуçлăхĕ Василий Шигильдеев Павловсен пысăк савăнăçне пĕрле пайларĕ, свидетельствăна тивĕçнĕ телейлĕ çамрăксене саламларĕ, пурăнмалли çурт-йĕр условийĕсене часрах лайăхлатма ăнăçу сунчĕ. Çемье пуçлăхĕ Дмитрий Чăваш Ен Пуçлăхне Олег Николаева, Вăрмар муниципаллă округĕн администрацине çакăн пек пĕлтерĕшлĕ пулăшушăн тав турĕ.
Надежда ШИШКИНА
