Вăрмар муниципаллă округĕнче наркотике хирĕç кĕрешекен комиссин ларăвĕ иртнĕ.
Вăрмар муниципаллă округĕн пуçлăхĕ Василий Шигильдеев ертсе пынипе иртнĕ ларура муниципаллă округăн прокурорĕ Денис Александров, наркотике хирĕç кĕрешекен комисси членĕсем, территори пайĕсен тата строительство управленийĕн пуçлăхĕсем, округ­ри тĕн конфессийĕн представителĕ Елисей атте хутшăннă. Раççей Федерацийĕн 2030 çулччен туса хатĕрленĕ наркотике хирĕç кĕрешекен патшалăх Стратегине Вăрмар муниципаллă округĕнче мĕнле пурнăçласа пынипе РФ ШĔМĕн муниципалитетсем хушшинчи «Урмарский» уйрăмĕн начальникĕ Сергей Мочалов паллаштарнă.
Вăрмар муниципаллă округĕнче 2022 çулта наркотиксемпе çыхăннă лару-тăрăва пăхса тухнă хыççăнхи кăтартусем, наркотиксемпе кĕрешекен мероприятисем çинчен тата ăна тĕппипех чарса лартасси пирки Василий Шигильдеев каланă.
2022-2023 вĕренÿ çулĕсенче социаллă-психологиллĕ тестированин тата «наркотикпе çыхланса кайма пултаракан ушкăнри» шкул ачисене медицина тĕрĕслевĕ тунă результачĕсемпе Вăрмар муниципаллă округĕн пуçлăхĕн социаллă ыйтусемпе ĕçлекен заместителĕн — вĕрентÿпе çамрăксен политикин пайĕн начальникĕн тивĕçĕсене пурнăçлаканĕ Виктор Павлов, Кивĕ Вăрмарти пĕтĕмĕшле пĕлÿ паракан вăтам шкул директорĕ Сергей Антонов тата Г.Е.Егоров ячĕллĕ Вăрмарти пĕтĕмĕшле пĕлÿ паракан вăтам шкул директорĕн воспитани енĕпе ĕçлекен заместителĕ Алена Давыдова паллаштарнă.
Çул çитмен ачасем наркотиксемпе çыхăннă преступленисем тăвасран сыхланса профилактикăлла ĕçсем туса ирттерни пирки тата наркотиксемпе психотроплă япаласем мĕнешкел хăрушлăха çаврăнни çинчен РФ ШĔМĕн муницпалитетсем хушшинчи «Урмарский» уйрăмĕн начальникĕ Сергей Мочалов пĕлтернĕ.

Олеся ФЕДОРОВА

Добавить комментарий