Арапуç тата Кĕтеснер ялĕсен хушшинчи кĕпер мĕнлерех лару-тăрура пулни çак ялсенче пурăнакансене питĕ пăшăрхантарать. Вăл кивелсе юрăхсăра тухнă, ун çинче шăтăк-путăксем пулса пĕтнĕ, ун тăрăх çÿреме те хăрушă. Кĕпер пирки республика шайĕнче те — социаллă сетьсенче — калаçма тытăннă иккен.
Кĕпере юсассипе çыхăннă ыйтупа Вăрмар муниципаллă округĕн администрацийĕн строительствăпа çул-йĕр хуçалăхĕн Управленине шăнкăравларăмăр. Кунти специалистсем пĕлтернĕ тăрăх, Арапуç тата Кĕтеснер ялĕсен хушшинчи кĕпере юсама çитес çул валли укçа-тенкĕ хывса хăварнă. Хальхи вăхăтра проект документацине хатĕрлессипе ĕçлеççĕ.
Ирина ДАНИЛОВА
