Куславкка районĕн сучĕ Хусан çынни, 30 çултискер, тĕлĕшпе приговор па­лăрт­нă. Ăна каварлашнă ушкăнпа саккуна пăсса уйрăмах пысăк виçепе наркотик хатĕрленĕшĕн айăпланă. Наркăмăшăн саккунсăр производствине Федерацин хăрушсăрлăх службин республикăри управленийĕ пÿлнĕ. Пĕлтĕрхи ноя­брь уйăхĕнче оперативлă шырав мероприятийĕсем йĕркеленĕ май асăннă районти ялти регистрацилемен пĕр çуртра синтетика наркотикĕсем туса кăларакан производствăна тупса палăртнă. Ухтару йĕркеленĕ: наркотик хатĕрлемелли лаборатори оборудованийĕпе хими хутăшĕсене туртса илнĕ. Унтах 3,2 килограмм ытла мефедрон тупнă. Суд Хусан çыннине 8 çуллăха ирĕксĕр хă­вармалли приговор палăртнă.

Добавить комментарий