Вăрмар муниципаллă округĕнче пурăнакансене чылайранпах поселокри Киров урамĕнчи çул-йĕр ыйтăвĕ канăç памасть. Çул йăлтах шăтăк-путăклă. Ку ыйтăва округ администрацийĕнче еплерех татса парассине пĕлес тĕллевпе Вăрмар муниципаллă округăн строительствăпа территорисен аталанăвĕн Управленийĕн строительство, çул-йĕр хуçалăхĕн пайĕн начальникĕпе Владислав Юрьевич Анисимовпа çыхăнтăмăр. Вăл пĕлтернĕ тăрăх, Киров урамĕнчи çула Çĕрпÿри «Инвест-Строй» подрядлă организаци пăхса тăрать. Вăрмар муниципаллă округĕн администрацийĕнчен ЧР Транспортпа çул-йĕр хуçалăхĕн министерствине çак участока юсама хушма укçа-тенкĕ уйăрма ыйтса çырнă. Министерствăра çитес вăхăтра çак çул çинчи шăтăк-путăксене саплама укçа-тенкĕ уйăрса пама палăртнă.

Добавить комментарий