Пинерти культура çуртĕнче «Ятарлă çар операцине хутшăнаканпа тĕлпулу» патриотизм сехечĕ иртрĕ. Пинерти пĕтĕмĕшле пĕлÿ паракан тĕп шкулта 4-мĕш класра вĕренекенсем ятарлă çар операцийĕнчен таврăннă Сергей Николаевич Никитинпа тĕл пулса калаçрĕç. Калаçу вăхăтĕнче хăна хăйĕн çинчен, пурнăçĕ пирки каласа панă. Мероприятие хутшăнакансем Украинăри çар операцийĕ çинчен нумай çĕнни пĕлчĕç, чăн-чăн салтака хăйсен куçĕсемпе курма пултарчĕç. Ачасем унăн кăкăрĕ çинче çакăнса тăракан медальсемпе интересленчĕç, чылай ыйту пачĕç. Мероприяти вĕçĕнче пурте салтака çирĕп сывлăх сунчĕç.
Любовь ИВАНОВА, Пинерти культура çурчĕн заведующийĕ.
