Çак кунсенче тăван Тикаш ялне отпуска Украинăри ятарлă çар операцине хутшăнакан взвод отделенийĕн командирĕ Федор Юрьевич Иванов килсе çитнĕ. Хĕрарăмсен канашĕн ялти уйрăмĕн председателĕ И.Н. Иванова пуçарулăхĕпе Федор Юрьевичпа, унăн ашшĕпе тата амăшĕпе ăшă тĕлпулу йĕркелесе ирттернĕ. Мăнçырмари вăтам шкулта вĕренекенсем хăнасем валли ятарласа концерт хатĕрленĕ. Тикашри территори пайĕн начальникĕ Валерий Иванович Нарсов хăйĕн сăмахĕнче пурне те çирĕп сывлăх суннă, салтаксем часрах çĕнтерÿпе ырă-сывă каялла таврăнччăр тенĕ. Тикашри Культура çурчĕн заведующийĕ Н.Г.Гаврилова ятарлă çар операцине хутшăнса пирĕн тăван çĕршыва сыхлакан хаклă та хисеплĕ ентешсене валли ырă сунса çырнă çыру конверчĕсем панă.
Валерий НАРСОВ, Тикашри территори пайĕн начальникĕ.
