Чăваш Республикинчи муниципалитетсенче коррупцие хирĕçле ĕçе вăйлатĕç. Ку ыйтăва Чăваш Республикинчи коррупцие хирĕçле ĕçлессине йĕркелекен Комиссин ларăвĕнче тишкернĕ. Ăна ЧР Пуçлăхĕ Олег Николаев ертсе пынă. Вăл малашнехи ĕç планне палăртса кирлĕ йышăнусем тунă. Сăмаха май, 2023 çулта республикăра коррупцие хирĕçле тĕрĕслевсем ирттерсе 194 депутата, вырăнти администрацин 1 пуçлăхне, муниципаллă округсен 3 пуçлăхне тĕрĕсленĕ. Тăвай, Йĕпреç, Шăмăршă, Красноармейски, Вăрмар, Елчĕк округĕсенче коррупцие хирĕçле ĕçсем мĕнле пурнăçланнине тĕпченĕ.