Чăваш Республикинчи Шалти Ĕçсен пайĕ пĕл­тернĕ тăрăх, 15 çын тĕлĕшпе наркотиксемпе çыхăннă уголовлă ĕç тĕпчевĕ вĕçленнĕ. Следстви палăртнă тăрăх, преступниксем наркотиксен саккунсăр çаврăнăшĕпе 2021 çулхи декабрь уйăхĕнчен пуçласа 2022 çулхи августчен ĕçленĕ. Наркотиксене çĕршывăн тĕрлĕ регио­нĕсене çитернĕ. Полици сотрудникĕсем вĕсен автомашинисенче тата килĕсенче 10 кг наркотик тупнă. Енчен те суд вĕсем айăплă тесе йышăнсан, усал ĕç тăвакансене нумай çуллăха ирĕксĕр хăварма пултарĕç. Хальхи вăхăтра уголовлă ĕçе Шупашкар хулин Мускав район су­дĕнче тишкереççĕ.

Добавить комментарий