Хăйсен пурнăçĕнче пĕрремĕш хут суйлава хутшăнакан çамрăксем çак паллă пулăма ырласа йышăнаççĕ. Арапуç ял каччи Спартак Николаевич Теплов пĕлтĕр 18 çул тултарнă, вăл Шупашкарта техникумра вĕренет. Раççей Президенчĕн суйлавĕ - ун пурнăçĕнчи пĕрремĕш суйлав.
«Суйлав - çĕршыв тата халăх пурнăçĕнчи чи пĕлтерĕшлĕ пулăмсенчен пĕри. Раççей малашлăхĕ, экономики, политики суйлав результачĕсенчен килет, çавăнпа кашни гражданинăн суйлава хутшăнмалла, лайăх шухăшласа хăйĕн сассине памалла», - тет Спартак Николаевич.
Суйлава пĕрремĕш хут хутшăннă ятпа хавхалантарса çамрăка асăнмалăх парне - флешка пачĕç.
