Ачасем туртмалли хутăшсемпе ан çыхланч­чăр, вĕсенчен пăрăнччăр тесе Вăрмарти ха­лă­ха социаллă пулăшу кÿрекен комплекслă центрăн çемьепе ачасене пулăшакан уй­рăмĕн­че ачасемпе «Стоп! Спайс!» темăпа класс сехечĕ иртнĕ. Презентаци тата видео­фильм кăтартнă май специалистсем ачасене туртмалли хутăшсен сиенĕ пирки каласа панă. Спайс, çавăн пекех вейп тата пирус туртни çыннăн сывлăхне пысăк сиен кÿрет, ăс-тăнне хавшатать, инвалидность патне илсе пыма пултарать. Сăмаха май, спайс туяннăшăн, ăна упранăшăн уголовлă явап тыттарма пултараççĕ. «Ăслă пулăр, сывлăха упрăр, пурнăç пĕрре кăна!» — суннă ачасене специалистсем.

Добавить комментарий