Вăрмар поселокĕнче Курск облаçĕнче пурăнакансене валли гуманитарлă пулăшу пуçтаракан пункт уçăлнă. Гуманитарлă пулăшу пуçтаракан пункт Вăрмар поселокĕнчи Мир урамĕнчи 7-мĕш номерлĕ çуртăн 2-мĕш хутĕнче вырнаçнă /пасар территорийĕ, ĕлĕк шкул пулнă çурт/. Килекенсене Вăрмарти халăха социаллă пулăшу кÿрекен комплекслă центрăн ĕçченĕ Алина Евгеньевна Иванова йышăнать.
Пункт кашни кун, çавăн пекех шăматкунпа вырсарникун та, 13 сехетрен пуçласа 17 сехетчен ĕçлет. Кунта çынсене чи кирлĕ япаласене пуçтараççĕ: час пăсăлман апат-çимĕç, консервланă продукци, çăнăх-кĕрпе, тип çу, сахăр, чей-кофе, тумтир, йăлара усă куракан хими продукцийĕ тата ытти те. Гуманитарлă пулăшăва Шупашкара илсе кайса Курск облаçĕнче инкек тÿснисем патне ăсатĕç. Пĕтĕм информацие 8 /83544/ 2-12-97 телефон номерĕпе шăнкăравласа ыйтса пĕлме пулать.
Ульяна СИМУШКИНА
