Паян Чăваш Ен Пуçлăхĕ Олег Николаев республикăра пурăнакансемпе тÿрĕ ҫыхӑнӑва тухнă.
Ыйтусене маларах регион ертÿçин социаллă тытăмри аккаунтĕнче, телеграмри «Ковалев разберется» чат-бота çырса ярса е патшалăх пулăшăвĕсен порталĕ урлă пама май пулнă.
Тÿрĕ лини 2 сехет те 7 минута тăсăлнă. Эфир вăхăтĕнче Олег Алекссевич 34 ыйтăва хуравлама ĕлкĕрнĕ.
Вăрмар округĕнчен те ыйту пулнă. Вăл Вăрмар кукринчен Вăрмар поселокне илсе çитерекен çул-йĕрĕн тĕп юсавĕпе çыхăннă. Пĕлетпĕр ĕнтĕ, çак çула юсассине вăрмарсем чылайранпа кĕтеççĕ.
Олег Николаев палăртнă тăрăх, ку ыйтăва ЧР Транспорт тата çул-йĕр хуçалăхĕн министерстви контроле илнĕ. РФ Президенчĕ Владимир Путин 2027 çулччен çулсен 60 процентне нормативлă виçене çитерме тĕллев лартнă. Республика çак тĕллевсем патне çывхарса пырать.

Добавить комментарий