Тунтикун Вăрмар муниципаллă округĕн наркотикпе кĕрешекен комиссийĕн ларăвĕ иртнĕ. Унта палăртнă тăрăх, наркотикпе кĕрешес ĕçсен профилактика мероприятийĕсене ирттерме 2024 çулта 50,0 пин тенкĕ уйăрнă пулнă. Асăннă укçа-тенкĕпе туллин усă курнă. Сывă пурнăç йĕркине ачасемпе çамрăксем хушшинче пропагандăлама спортпа массăллă мероприятисем ирттернĕ, «Сиенлĕ йăласемсĕр пурнăç» пултарулăх ĕçĕсен конкурсне, «Çамрăксем сывă пурнăç йĕркишĕн» наукăпа практика конференцийĕ йĕркеленĕ, наркотике хирĕçлекен баннер туяннă тата ытти те. Çавăн пекех тĕрлĕ конкурссем, калаçусем, акцисем пулнă. Ачасем сиенлĕ япаласемпе усă курнине тупса палăртма шкулсене тестировани те ирттернĕ тата ытти те.

Добавить комментарий