Вăрмар округĕн библиотекисем хăйсен ĕçĕ-хĕлне эффективлăрах тăвас тесе патшалăх йĕркелекен тĕрлĕ конкурссене активлă хутшăнаççĕ.
Çак кунсенче яллă вырăнсенче вырнаçнă чи лайăх культура учрежденийĕсене тата вĕсен ĕçченĕсене тупса палăртса 2025 çулта вĕсене укçан хавхалантарассипе йĕркеленĕ конкурса пĕтĕмлетнĕ. Асăннă конкурсра «Ялти чи лайăх библиотека» номинацинче Кивĕ Вăрмарти библиотека çĕнтернĕ.
Çавăн пекех 2025 çулта модельлĕ библиотека тăвас тĕллевпе республика бюджетĕнчен субсиди илме тăратнă заявкăсене пăхса тухса пĕтĕмлетнĕ. Унта пурĕ республикăри 12 библиотекăна суйланă. Вĕсен хушшинче Вăрмар округĕнчи библиотека та пур. Ку вăл — Чулкас ялĕнчи библиотека.
